Kalingang QC, pinalawak pa; 23,510 drayber sa lungsod, nabigyan na ng ayuda

Pinalawak pa ng pamahalaang lungsod ng Quezon City ang sakop ng programang Kalingang QC.

Ito ay ang programa ng QC government at QC Council para magbigay ng P2,000 tulong pinansiyal sa mga sektor na naapektuhan ang hanapbuhay bunsod ng ipinatupad na enhanced community quarantine.

Kabilang dito ang solo parent, person with disabilities, tindero, drayber ng PUJ, tricycle at pedicab.

Kasama na rin sa nasabing programa ang mga drayber ng taxi, TNVS at magulang ng mga PWD.

Sa datos hanggang April 16, nasa 23,510 na drayber ng tricycle, pedicab, jeepney, taxi at TNVS ang napagkalooban ng ayuda.