Babae, nasagasaan patay sa QC

Patay matapos masagasaan ang isang matandang babae sa tapat ng Fisher Mall sa Quezon Avenue, Quezon City pasado alas singko ng madaling araw kanina.

Hindi pa nakikilala ang biktima na tinatayang nasa pagitan ng 60-70 taong gulang.

Sangkot sa aksidente ang isang 72 anyos na si Dalisay Cabugao na siyang nagmaneho ng kulay itim na Honda City na may plakang XDM 597.

Ayon sa mga nakasaksi sa aksidente, marahil ay hindi napansin ng driver ang biktima na umupo pa umano sa gitna ng kalye kaya ito nasagasaan lalo’t madilim pa nang mangyari ang aksidente.

Tanging pagkakakilanlan ng biktima ay ang kulay pulang shorts at stripes na t-shirt na suot nito.

Hawak na ng QCPD ang nakasagasa.