Mga Pinoy sa Libya inabisuhang sundin ang 24-hour curfew

Binilinan ng Philippine Embassy sa Libya ang Filipino community doon na sundin ang 24-hour curfew na ipinatutupad ng pamahalaan.

Ayon sa embahada, iiral ang 24 na oras na curfew simula sa April 17 at tatagal ng hanggang 10 araw.

Inaprubahan ng Presidential Council sa Libya ang pagpapatupad ng curfew para maiwasan ang paglaganap ng COVID-19.

Kabilang sa magsasara ang mga tindahan ng gulay at meat shops.

Ang mga grocery store at bakery ay bukas lang mula alas 7:00 ng umaga hanggang alas 12:00 ng tanghali.