Isa pang Pinay nurse sa UK pumanaw sa COVID-19

Isa pang Filipino nurse na nagseserbisyo sa National Health Service ng United Kingdom ang pumanaw sa COVID-19.

Sa datos, tatlong Filipino nurse na at dalawang Pinoy hospital porters na ang pumanaw sa sakit sa UK.

Ang ikatlong Pinay na pumanaw sa sakit ay si Leilani Medel na nagtatrabaho bilang agency nurse sa South Wales.

Ang asawa niyang si Johnny Medel Jr., 42 anyos at isa ring healthcare worker ay nakaratay din dahil sa COVID-19.

Habang ang kanilang 13 anyos na anak na tinamaan din ng virus ay naka-recover na.

Una rito ay iniulat ni Philippine Ambassador Antonio Lagdameo ang pagpanaw ng nurse na sina Leilani Dayrit at Melujean Ballesteros.

Gayundin ang dalawang hospital porters na Pinoy na sina Oscar King at Elbert Rico.