WATCH: Sitwasyon sa Blumentritt Market sa Maynila

Normal at tila walang umiiral na enhanced community quarantine sa bahagi ng Blumentritt Market sa Maynila.

Sa video at mga larawan na kuha ng Radyo inquirer, puno ng tao ang palengke.

Mayroon namang nagbibigay ng paalala sa labas ng palengke at sinasabihan ang mga residente na isuot ang kanilang quarantine pass para makapasok ng palengke.

Kinukuhanan din ng temperatura ang bawat pumapasok sa palengke.

Pero sa dami ng tao sa palengke, halos hindi na masunod ang isang metrong distansya sa bawat isa.

Sa pagtaya ng mga otoridad ay nasa 5,000 ang tao sa palengke ngayong umaga ng Martes.

May mga nakumpiska ring pekeng quarantine pass na natuklasang zerox copy lamang.

See more See more