Mahigit 1,800 na Pinoy seafarers nakauwi ng bansa kahapon

Patuloy ang repatriation ng pamahalaan sa mga Filipino seafarers mula sa iba’t ibang panig ng mundo.

Ayon sa Department of Foreign Affairs (DFA), kahapon April 13 ay naitala ang pinakamataas na bilang ng mga Pinoy seafarers na nakauwi sa bansa.

Sa maghapon kasi ay umabot sa 1,802 ang nakauwing seafarers.

Mula sila sa 10 magkakaibang cruise ships sa US at Brazil.

Umuwi sa bansa ang mga Pinoy sakay ng 6 na flights.

Sa mga susunod na araw ay mas maraming Filipino seafarers pa ang darating.