Dagdag-bawas sa presyo ng produktong petrolyo epektibo ngayong araw

Epektibo na ngayong umaga ng Martes, April 14 ang dagdag-bawas sa presyo ng mga produktong petrolyo.

May dagdag na 55 centavos kada litro sa gasolina at 15 centavos sa kada litro ng diesel habang may bawas naman na 20 centavos sa kada litro ng kerosene.

Epektibo ang price adjustments ng kumpanyang Shell, Petron, Chevron, Flying V, at SeaOil alas 6:00 ng umaga.

May parehong price adjustment din sa kanilang produktong gasolina at diesel ang Total, CLeanFuel, Phoenix Petroleum, PTT, at Petro Gazz.

Ito ang unang pagkakataon na nagkaroon ng dagdag sa preso ng gasolina at diesel matapos ang anim na linggong sunud-sunod na rollback.