Bilang ng nahuling curfew violators hanggang April 12, umabot na sa higit 100,000

Umabot na sa mahigit 100,000 ang nahuli ng mga otoridad na lumabag sa umiiral na enhanced community quarantine (ECQ) sa Luzon.

Sa datos ng Joint Task Force COVID-19 Shield, umabot na sa 108,088 curfew violators sa nakalipas na 27 na araw.

Naitala ang nasabing datos simula March 17 hanggang April 12.

Nasa 3,092 ang nahuling lumabag sa April 12 o Easter Sunday.

Sa kabuuang bilang, 26,130 ang naaresto; 76,989 ang binalaan lamang at 4,969 ang pinagmulta.

Tatagal ang ECQ sa buong Luzon hanggang April 30.