DOH bibili ng mas maraming test kits

By: Dona Dominguez-Cargullo - 4 years ago

Sa susunod na tatlong linggo bibili ng mas maraming COVID-19 test kits ang Department of Health (DOH).

Ayon kay Health Undersecretary Maria Rosario Vergeire, sapat pa sa ngayon ang testing kits sa bansa, pero bibili ang pamahalaan ng mas marami pa.

Ang pondo ay mula sa inaprubahang Bayanihan Act.

Una nang tinarget ng DOH na makapagsagawa ng 3,000 COVI-19 tests kada araw simula bukas, Apr. 14.

Sa susunod pang mga araw ay target ng DOH na maitaas pa ito at maging 8,000 hanggang 10,000 kada araw.