East Avenue Medical Center gagamit ng refrigerated container vans para sa mga hindi nakukuhang bangkay

Gagamit na rin ng refrigerated container vans ang East Avenue Medical Center para paglagyan ng mga nasasawi sa naturang ospital.

Ito ay para matugunan ang madaming bilang ng mga bangkay na hindi agad nakukuha ng kanilang mga kaanak.

Sa panayam ng Radyo Inquirer sinabi ni Health Sec. Francisco Duque III na malalaking container vans ang gagamitin para paglagyan ng bangkay.

Limang bangkay lang ang kapasidad ng morgue ng naturang pagamutan.

Nakikitang problema ng DOH sa pag-claim sa mga bangkay ay ang umiiral na lockdown, kawalan ng sapat na salapi ng mga kaanak ng namatay at maging ang kawalan ng puneraryang magseserbisyo.