Pasig City LGU nagtalaga ng COVID-19 Referral Facility

Dahil halos punuan na sa mga pasyente ng COVID-19 ang mga pampubliko at pribadong ospital nagtalaga ng COVID-19 Referral Facility sa Pasig City.

Ayon kay Pasig City Mayor Vico Sotto nagpasya silang i-convert ang city-run Pasig City Children’s Hospital (PCCH) bilang COVID-19 Referral Facility.

Ang COVID-19 Unit sa Pasig City General Hospital ililipat na sa PCCH.

Habang ang pediatric services naman ng PCCH ay ililipat sa PCGH.

Magha-hire din ng dagdag na health workers kabilang ang doktor at nurses.

Ang referral facility ay may kumpletong gamit kabilang ang 26 na ventilators at gamit pang-dialysis.

Mayroon itong 90-bed capacity at may backup plans din para sa mas maitaas ang capacity.