US nakapagtala ng mahigit 1,800 na nasawi sa COVID-19 sa magdamag

Sa nakalipas na magdamag ay nakapagtala ng mahigit 1,800 na panibagong bilang ng mga nasawi sa Estados Unidos dahil sa COVID-19.

Umakyat na sa mahigit 12,700 ang total death toll ng US dahil sa COVID-19 at ito na ang ikatlong bansa sa mundo na nakapagtala ng may pinakamaraming bilang ng nasawi.

May naitala ring mahigit 27,000 na bagong kaso ng COVID-19 sa US sa magdamag.

Ang kabuuang bilang ng kumpirmadong kaso ng COVID-19 sa US ay halos umabot na sa 400,000.

Sa naturang bilang, mahigit 21,600 lang ang naka-recover.

Mayroon pang mahigit 360,000 na aktibong kaso at mahigit 9,100 sa kanila ay kritikal ang kondisyon.
Excerpt: