Mandatory na pagsusuot ng face masks ipinatutupad na rin sa Valenzuela

Obligado na rin ang mga residente ng Valenzuela City na magsuot ng face mask kapag lalabas ng kanilang bahay.

Ito ay matapos maipasa sa lungsod ang Ordinance No. 687 Series of 2020 na nag-aatas ng mandatory na pagsusuot ng face mask.

Nakasaad sa ordinansa na kung walang surgical mask ay pwdeng gumamit ng kahit reusable o DIY mask, panyo, at iba pang pantakip sa ilong at bibig.

Lahat ng lalabag ay papatawan ng sumusunod na multa:

P1,000 – unang paglabag
P3,000 – ikalawang paglabag
P5,000 – ikatlong paglabag.

Kahapon naipasa na rin ang kahalintulad na ordinansa sa Quezon City.