21 residente ng Sitio San Roque sa QC laya na sa pagkakakulong

Nakalaya na mula sa pagkakabilanggo ang 21 residente ng Sitio San Roque sa Quezon City na dinakip matapos iprotesta ang kawalan umano ng tulong sa kanila ng pamahalaan.

Inilabas ng QC Metropolitan Trial Court Branch 132 ang utos sa pagpapalaya sa mga residente matapos silang makapaglagak ng piyansa.

Limang gabi din silang nanatili sa Quezon City Jail.

P15,000 ang piyansa na inilagak ng bawat isang inaresto.

Ang naturang mga residente ay nagsagawa ng protesta sa EDSA dahil hindi umano sila nararating ng tulong ng pamahalaan.