2-anyos na lalaki sa Olongapo, nagpositibo sa COVID-19

Tinamaan ng COVID-19 ang isang dalawang taong gulang na lalaki sa Olongapo City.

Ayon kay Mayor Rolen Paulino Jr., ito na ang ikatlong kumpirmadong kaso ng COVID-19 sa Olongapo City.

Mayroon aniyang congenital heart disease ang pasyente at naka-confine sa pagamutan sa Bataan.

Sinabi ng alkalde na stable naman ang kondisyon ng pasyente at naka-isolate na.

Patuloy na nagsasagawa ang Olongapo City Health ng contact tracing sa mga nakasalamuha ng pasyente.

Sa ngayon, nasa 113 ang persons under investigation at 346 ang persons under monitoring.