4 na taong gulang na tigre sa New York nagpositibo sa COVID-19

Isang 4 na taong gulang na babaeng Malayan Tiger sa zoo sa New York City ang nagpositibo sa COVID-19.

Sa resulta ng isinagawang pagsusuri ng National Veterinary Services Laboratories sa US Department of Agriculture, ito ang unang pagkakataon na mayroong tigre na nagpositibo sa sakit.

Ang tigre na si Nadia ay kinuhanan ng samples matapos siyang makitaan ng respiratory illness.

Ang iba pang tigre sa Bronx Zoo ay nakitaan din ng sintomas.

Si Nadia, kaniyang kapatid na si Azul, at dalawa pang Amur Tigers at tatlong African Lions ay inubo at nawalan ng ganang kumain.

Maayos naman ang ipinakikitang pagtugon gamutan ng mga tigre at leon kaya inaasahang sila ay makakarecover.