St. Luke’s may libreng grocery items para sa kanilang frontliners

Nagbukas ng St. Luke’s Care Store ang St. Luke’s Medical Center (SLMC) Global City sa kanilang Henry Sy, Sr. Auditorium.

Proyekto ito ng SLMC executives kung saan naglagay ng make-shift store para sa frontliners ng ospital at kanilang pamilya.

Ang grocery items sa nasabing store ay libre para sa medical frontliners ng St. Luke’s.

Sa abiso ng St. Luke’s sa kanilang mga empleyado, ngayong linggo bawat frontliners ay binigyan ng 2,000 CARE points.

Ito ang kanilang maarng gamitin para makakuha ng mga items sa grocery store.

“Our frontliners can choose from the array of food and other essentials they can use or share with their loved ones” ayon sa ospital.

Sa April 7 ay magbubukas din ng St. Luke’s Care Store sa SLMC Quezon City.