Mga campaign posters na nasa footbridge, mga lamppost, puno at iba pa ang unang nasampulan sa “Oplan Baklas” ng Metropolitan Manila Development Authority (MMDA).
Unang sinuyod ng MMDA ang mga kalye sa Maynila.
Ayon kay Francis Martinez, team leader ng MMDA Oplan Baklas sa Maynila, ngayong umaga sa nasabing lungsod, pinakamaraming nabaklas nila ay ang mga posters ni Senator Grace Poe na nasa bawal na lugar.
Sa Maynila ang kick off ng kampanya nina Poe at Senator Chiz Escudero kaya nagkalat na ngayon sa lungsod ang kanilang mga posters pati na ng kanilang senatoriables.
Ang mga inalis na posters ni Poe ay nakita ng MMDA personnel sa footbridge.
Ayon kay Martinez, kahit magpabalik-balika ng mga posters sa mga bawal na lugar, magpapabalik-balik din sila para tanggalin ang mga ito.