Mayor Vico Sotto, pinagpapaliwanag ng NBI dahil sa umano’y paglabag sa Bayanihan to Heal as One Act

Pinagpapaliwanag ng National Bureau of Investigation ni Pasig City Mayor Vico Sotto bunsod ng umano’y paglabag sa Republic Act 11469 o “Bayanihan to Heal as One Act.”

Ayon kay NBI Deputy Director Ferdinand Lavin, layon lamang nito na mailahad ng alkalde ang panig nito sa umano’y hindi patalima sa mga polisiya ng gobyerno ukol sa pagpapatupad ng community quarantine bunsod ng COVID-19.

Ang Anti-Graft Division ng NBI ang nagpadala ng summon kay Sotto.

Binigyan naman ng NBI ang alkalde ng hanggang April 7 bandang 10:00 ng umaga para maisumite ang kaniyang paliwanag.