CAAP, narekober ang Flight Data Recorder ng bumagsak na eroplano sa NAIA

Narekober na ng Civil Aviation Authority of the Philippines (CAAP) ang Flight Data Recorder (FDR) ng bumagsak na eroplano ng Lionair sa Ninoy Aquino International Airport (NAIA) noong March 29.

Sinabi ng CAAP na narekober ang FDR ng medical evacuation plane RP-C5880, Lunes ng hapon (March 30).

Ang FDR ay isang device na ginagamit para ma-record ang aircraft performance parameters.

Nauna nang nakuha ng CAAP ang Cockpit Voice Recorder (CVR) ng aircraft.

Magsasagawa na ang CAAP ng arrangements para sa analyzation ng materyales at para maproseso ang readouts ng FDR at CVR.

Ang nalalabi naman anilang parte ng aircraft ay ni-relocate sa malapit na hangar habang nagpapatuloy ang imbestigasyon.