Sarangani, Davao Occidental niyanig ng magkasunod na lindol

Niyanig ng magnitude 4.5 na lindol ang Sarangani, Davao Occidental Martes ng hapon.

Ayon sa Phivolcs, tumama ang lindol sa layong 94 kilometers Southwest ng Sarangani bandang 3:27 ng hapon.

May lalim ang lindol na 15 kilometers.

Bago ito, unang yumanig ang magnitude 3.3 na lindol sa kaparehong lugar.

Ayon sa Phivolcs, tumama ang lindol sa layong 115 kilometers Southwest ng Sarangani bandang 2:48 ng hapon.

334 kilometers ang lalim ng lindol.

Kapwa tectonic ang origin dalawang lindol.

Sinabi ng Phivolcs na hindi nagdulot ang magkasunod na lindol ng pinsala sa lugar.

Wala ring inaasahang aftershocks matapos ang pagyanig.