BREAKING: Bilang ng kaso ng COVID-19 sa bansa, umabot na sa 1,546

Lumobo pa ang bilang ng kumpirmadong kaso ng Coronavirus Disease o COVID-19 sa Pilipinas.

Sa press conference, sinabi ni Health Undersecretary Maria Rosario Vergeire na 128 ang nadagdag na kaso ng sakit sa bansa sa nakalipas na 24 oras.

Dahil dito, pumalo na sa 1,546 ang kabuuang bilang ng COVID-19 cases sa bansa.

Maliban dito, pito pang pasyente ang nasawi dahilan para umakyat sa 78 ang death toll ng COVID-19 sa Pilipinas

Ani Vergeire, nanatili naman sa 42 ang bilang ng mga gumaling sa sakit sa bansa.