Middle class Filipinos, makakatanggap din ng tulong mula sa gobyerno – DILG

Inihayag ng Department of Interior and Local Government (DILG) na makakatanggap din ng tulong mula sa gobyerno ang middle class Filipino sa kasagsagan ng enhanced community quarantine.

Sa Laging Handa press briefing, sinabi ni DILG Undersecretary at spokesman Jonathan Malaya kabilang sa ibang formal sector o middle class ang pagbibigay ng 30 araw na grace period sa pagbabayad ng credit card.

Magkakaroon din aniya ng 30 araw na grace period sa pagbabayad ng renta ng bahay.

Samantala, sinabi ni Malaya na nananatiling prayoridad sa mga ipinamamahaging food packs ang mahihirap na pamilyang Filipino.

Isinailalim sa enhanced community quarantine ang buong Luzon dahil sa banta ng Coronavirus Disease o COVID-19.