Laguna, mayroon nang 23 kaso ng COVID-19

Umabot na sa 23 ang bilang ng kumpirmadong kaso ng COVID-19 sa Laguna.

Ayon kay Governor Ramil Hernandez, batay sa datos ng Laguna Provincial Health Office hanggang 12:00, Sabado ng tanghali (March 28), nasa walo ang kaso ng COVID-19 sa Santa Rosa.

Sumunod dito ang San Pedro na may limang kaso; Biñan na may tatlong kaso at Calamba na may dalawang kaso.

Tig-iisa naman ang naitalang kaso sa Cabuyao, Los Baños, Lumban, Pila at San Pablo.

Samantala, umabot na sa 687 ang bilang ng persons under investigation (PUIs).

10,136 naman ang ongoing na persons under monitoring (PUMs) habang 2,429 ang cleared na.