Medical frontliners libre na sa toll fee ayon sa SMC

By: Dona Dominguez-Cargullo Dona Dominguez-Cargullo - 5 years ago

Hindi na sisingil ng toll ang mga medical frontliners sa mga expressway na pinapatakbo ng SMC Infrastucture.

Ayon sa pahayag ng SMC, libre sa toll fee ang medical frontliners na dadaan sa sumusunod na expressways:

– STAR Tollway
– South Luzon Expressway (SLEX)
– Skyway
– NAIAx
– TPLEX

Para ma-avail ang libreng toll, kailangang kumuha ng special RFID sticker mula sa SMC Tollways o ‘di kaya ay ipa-convert ang kanilang existing RFID.

Maari itong gawin sa temporary booths ng SMC sa Shell Magallanes gas station at sa NAIAx toll gate mula alas 8:00 ng umaga hanggang alas 7:00 ng gabi.

Kailangan lamang ipakita ng medical practitioners ang kanilang PRC license card.