WATCH: Mensahe ng Pinoy na nakikipaglaban sa COVID-19 sa New York

Isang Pinoy na naninirahan sa New York ang tinamaan ng COVID-19.

Naka-admit ngayon sa New York University Hospital ang Pinoy na si Anthony Catabay.

Nagkaroon ng tsansa na makapagbahagi ng maiksing video si Catabay sa pamamagitan ng Facebook live.

Pinaalalahanan niya ang lahat ng maging maingat dahil hindi biro ang tamaan ng sakit.

Aniya hirap na hirap siya sa kaniyang sitwasyon.

Naka oxygen si Catabay at halata sa pagsasalita nitong hirap pa din siyang huminga.

Hiniling nitong ipagdasal siya at ang kaniyang pamilya.

Si Catabay ay isang linggo nang nakikipaglaban sa sakit.