Water level ng Angat dam nasa 197.61 meters na lang

Nabawasan pa ang antas ng tubig sa Angat dam sa nakalipas na magdamag.

Sa datos ng PAGASA Hydrology, alas 6:00 ng umaga ngayong Biyernes (March 27) ang water level ng Angat dam ay 197.61 meters.

Nabawasan din ang water level ng Ipo dam na nasa 101.08 meters.

Wala namang pagbabago sa antas ng tubig ng La Mesa dam na nasa 76.95 meters.

Nabawasan din ang water level ng Ambuklao San Roque, Pantabangan, at Caliraya dams.

Habang nadagdagan ng bahagya ang ang Binga at Magat dams.