Maasim, Sarangani niyanig ng magnitude 6.1 na lindol

By: Dona Dominguez-Cargullo - 5 years ago

Niyanig ng magnitude 6.1 na lindol ang bayan ng Maasim sa lalawigan ng Sarangani.

Ang pagyanig ay naitala sa layong 46 kilometers southeast ng Sarangani alas 11:38 ng gabi ng Huwebes, March 27.

May lalim na 49 kilometers ang lindol at tectonic ang origin nito.

Naitala ng Phivolcs ang sumusunod na intensities:

Intensity V – Maasim, Glan, and Malapatan, Sarangani; Tupi, South Cotabato; General Santos City; Palimbang, Sultan Kudarat

Intensity IV – Jose Abad Santos, Malita, and Sarangani, Davao Occidental; Koronadal City

Intensity III – Davao City; Maco, and Mawab, Davao de Oro

Sinabi ng Phivolcs na maaring magdulot ng pinsala at aftershocks ang naturang lindol.