Ito ang paglilinaw ni Atty. Liza Marcos ukol sa lagay ng kalusugan ng kaniyang asawa na si dating Sen. Bongbong Marcos.
Sa inilabas na pahayag, sinabi nito na maayos ang kondisyon ni Bongbong Marcos.
“Contrary to the rumors currently circulating, my husband is well. His lungs did not collapse. He was not airflifted in Manong Chavit’s plant to get treatment in Singapore,” ayon sa abogado.
Ipinakita rin nito ang larawan ng dating senador na kinunan aniya, Huwebes ng umaga (March 26).
Aniya pa, sumailalim na sila kasama ang kanilang buong staff sa COVID-19 testing at negative aniya ang resulta.
“We are taking the COVID-19 outbreak SERIOUSLY and have instituted sanitation procedures here at home. We hope you and your family do the same,” dagdag nito.
Nagpasalamat naman si Liza Marcos sa lahat ng nagpakita ng pag-aalala sa lagay ng kondisyon ng dating senador.