Sen. Koko Pimentel namili pa sa S&R BGC noong March 16

Kinumpirma ng pamunuan ng S&R Membership Shopping na namili pa sa kanilang BGC, Taguig Branch si Senator Koko Pimentel III.

Kumalat ang bali-balita online na nakita si Pimentel na nagsho-shopping sa S&R sa BGC kaya agad ipina-review ng pamunuan ng S&R ang kanilang CCTV.

Doon nakumpirma na nagtungo nga sa S&R ang senador noong March 16, 2020. Nakita siya sa counter dakong ala 1:59 ng hapon.

Dahil dito, nagpasya ang S&R na isailalim sa quarantine ang mga emplayado na nakasalamuha ng senador.

Nagsagawa din ng disinfection sa naturang S&R branch.

Ayon sa S&R araw-araw naman silang nagsasagawa ng disinfection sa kanilang mga store.

Kabilang sa isinasailalim sa disinfection ang mga cart, front-end belts, items shelves at cash registers.