VIRAL: Mga Bumbay namigay ng relief packs sa halip na maningil ng pautang

Viral ngayon sa social media ang larawan ng mga Bumbay sa Bulacan na sa halip na maningil ng pautang ay nagbahay-bahay para mamigay ng relief packs.

Isang grupo ng mga Bumbay ang nagbahay-bahay sa Brgy. Gaya-Gaya, San Jose Del Monte Bulacan hindi para sa nakagawian nilang paniningil ng pautang sa araw-araw.

Hinatiran nila ng relief packs ang mga residente ayon sa viral post ng Facebook page na Master Epong.

Ayon sa post, batid ng mga Bumbay na dahil sa umiiral na enhanced community quarantine ay marami sa kanilang kliyente ay kapos na.

Maliban sa wala silang panghulog sa utang, wala din silang pambili ng makakain.