Ito ay bilang pagsuporta sa mga doktor at iba pang health worker na namatay dahil sa pakikipaglaban sa COVID-19.
Sa Laging Handa briefing, sinabi ni Health Undersecretary Rosette Vergeire na hindi lamang sa mga namatay na doktor ang pulang armband kundi maging sa iba pang health workers na itinataya ang buhay para lamang magamot ang mga pasyenteng tinamaan ng COVID-19.
“Ito po ay isang sensyales ng pagsuporta po natin, lalong-lalo na po sa ating mga healthcare workers, lalong-lalo na po sa ating mga namatay na doktor at doon po sa ating lahat ng healthcare workers na sa ngayon ay patuloy pa ring lumalaban , inaalagaan po ang lahat ng mga pasyente sa lahat ng ospital dito sa Pilipinas ang puso po namin at ang aming suporta ay nasa inyo at patuloy ho namin kayong susuportahan this red band, hinihikayat ko po ang lahat na magsuot nito para ipakita ang suporta natin sa kanilang lahat,” pahayag ni Vergeire.
Kasabay niyo, binalaan ni Vergeire ang publiko na posibleng magkaroon ng artificial rise ng kaso ng COVID-19 sa bansa.
Naayos na kasi aniya ang proseso sa laboratoryo para sa pagsuri sa mga pasyente na may COVID-19.
Nagkaroon din kasi aniya ng dagdag na testing kits ang pamahalaan kung kaya napalawak ang pagsuri sa mga hinihinalang may COVID-19.
Hindi na aniya dapat na magalit ang publiko dahil kapag natapos na ng DOH ang mga backlog sa pagsusuri sa mga pasyente ay makikita na ang totoong numero ng mga tinamaan ng COVID-19.
WATCH: Health USec Rosette Vergeire on red armband: Ito po ay isang sensyales ng pagsuporta po natin, lalong-lalo na po sa ating mga healthcare workers, lalong-lalo na po sa ating mga namatay na doktor (dahil sa Covid 19). @dzIQ990 @inquirerdotnet pic.twitter.com/8vjEmVZiiI
— chonayuINQ (@chonayu1) March 25, 2020