Bilang ng COVID-19 cases sa Laguna, nasa 11 na

Nadagdagan ang bilang ng kumpirmadong kaso ng COVID-19 sa Laguna.

Sa inilabas na datos ni Governor Ramil Hernandez hanggang 12:00, Miyerkules ng tanghali (March 25), nasa 11 na ang kaso ng COVID-19 sa lalawigan.

Samantala, 506 naman ang naitalang persons under investigation (PUIs).

Nasa 6,716 naman ang persons under monitoring (PUMs) kung saan 1,277 ang cleared na.

Patuloy na hinihikayat ang mga residente sa lugar na sumunod sa mga panuntunan ng gobyerno para maiwasang kumalat pa ang virus.