Antas ng tubig sa Angat dam muling nabawasan sa magdamag

Muling nabawasan ang antas ng tubig ng Angat dam at iba pang dam sa Luzon sa magdamag.

Ayon sa PAGASA-Hydrometeorology Division, ang antas ng tubig ng Angat dam ay nasa 198.10 meters alas-6 ng umaga ng Miyerkules (March 25) mas mababa sa 198.33 meters na antas nito kahapon.

Bahagyan namang nadagdagan ang water level ng La Mesa dam na nasa 76.94 meters, alas-6 ng umaga.

Nadagdagan din ang antas ng tubig sa Ipo dam na ngayon ay nasa 101.04 meters.

Samantala, nabawasan naman ang water level ng Ambuklao, Binga, San Roque, Pantabangan at Caliraya dams habang nadagdagan ang antas ng tubig ng Magat.