Sinabi ni CIDG RFU 1 director, Police Col. Santiago Pascual na paunang paglabag sa Consumer Protection Act ang isasampa nilang kaso laban kay Rochelle del Rosario, 32-anyos, ng Bagumbong, Caloocan City.
Ayon kay Pascual, may kasama silang tauhan ng Department of Trade and Industry (DTI) nang ikasa nila ang operasyon laban kay del Rosario.
Aniya, nagbebenta ng colored water-based disinfectant at hand sanitizer nang walang label si del Rosario kayat inaresto nila ito.
Nakuha sa suspek ang 113 one liter bottle ng disinfectant na ibinebenta niya ng P150 bawat isa at 26 one liter ng sanitizer na may halagang P200.