Magkasunod na may kalakasang pagyanig naitala sa Agno, Pangasinan

Dalawang beses pang pagyanig ang naitala sa lalawigan ng Pangasinan.

Unang naitala ang magnitude 3.0 na pagyanig sa 93 kilometers Southwest ng bayan ng Agno, alas-5:24 ng madaling araw ng Martes (March 24) at may lalim na 43 kilometers.

Sumunod naman na naitala ang magnitude 3.8 na lindol sa 97 kilometers Southwest sa bayan pa rin ng Agno, alas-5:43 ng madaling araw at may lalim na 15 kilometers.

Tectonic ang origin ng mga pagyanig.

Wala namang naitalang pagkasira sa mga ari-arian, intensities at aftershocks.

Ito na ang ikatlong may kalakasang pagyanig sa bayan ng Agno ngayong araw.

Alas 4:23 ng umaga nang tumama ang magnitude 4.3 na lindol sa naturang bayan.