Suspensyon ng mga aktibidad ng PBA, pinalawig pa

Pinalawig pa ang suspensyon ng mga aktibidad ng Philippine Basketball Association o PBA.

Sa inilabas na memorandum, sinabi ni PBA Commissioner Willie Marcial na palalawigin ang dalawang linggong break ng team practices, scrimmages at iba pang aktibidad.

Ito ay kasunod ng deklarasyon ng enhanced community quarantine dahil sa banta ng COVID-19.

Matatapos sana ang two-week break sa Biyernes, March 27.

Ani Marcial, “until further notice” epektibo ang suspensyon ng mga aktibidad ng PBA.

Humingi naman ng kooperasyon ang PBA at hinikayat ang lahat na manatiling fit at malusog para sa kaligtasan mula sa virus.

“Please continue to follow the guidelines set by our government health workers and standby for updates,” nakasaad pa sa memorandum.