Halaga ng piso kontra dolyar, bumagsak

Bumaba pa ang halaga ng piso kontra sa dolyar, araw ng Lunes (March 23).

Nagsara sa P51.33 ang halaga ng dolyar sa bansa bunsod na rin mga pangamba sa magiging epekto sa ekonomiya ng krisis na dala ng Coronavirus Disease o COVID-19.

Nabatid na ito na ang pinakamababang naging halaga ng piso kontra sa dolyar sa loob ng limang buwan.

Noong nakaraang Biyernes (March 20), nagsara sa P50.97 ang halaga ng dolyar sa bansa.

Inasahan pa na makakabawi ang piso ngayong linggo dahil napaulat ang panibagong pagbaba ng presyo ng mga produktong-petrolyo.