Kiblawan, Davao Del Sur niyanig ng magnitude 4.0 na lindol

Niyanig ng magnitude 4.0 na lindol ang lalawigan ng Davao del Sur.

Ayon sa Phivolcs, naitala ang pagyanig sa 67 kilometers Northwest ng bayan ng Kiblawan, alas-12:34 madaling araw ng Lunes (March 23).

May lalim na 12 kilometers at tectonic ang origin ng pagyanig.

Naitala naman ang sumusunod na instrumental intensities:
Intensity III – Koronadal City
Intensity II – Tupi, South Cotabato
Intensity I – General Santos City; Kidapawan City; Malungon, Sarangani

Wala namang naitalang pagkasira sa mga ari-arian at aftershocks.