Vice Ganda, namahagi ng medical supplies sa ilang ospital

Namahagi ang television host at comedian na si Vice Ganda ng medical supplies sa ilang ospital sa Metro Manila.

Sa Instagram, inihayag ni Vice na bahagi ito ng kanilang pasasalamat, kasama ang Team Vice at suppliers, para sa frontliners na lumalaban at kumakalinga sa mga apektado ng Coronavirus Disease o COVID-19.

Ilan sa mga ipinamahagi ng komedyante ay ang N95 masks, medical disposable gloves, safety goggles, alcohol at disinfectant spray.

Sinimulan na ang pamamahagi sa mga sumusunod na ospital:
– Lung Center Of the Philippines
– QC General Hospital
– San Lazaro Hospital
– Philippine Children’s Medical Center (PCMC)