Bangkay ng lalaki, natagpuan sa karagatang sakop ng Batangas

Natagpuang wala nang malay ang isang lalaki sa karagatang sakop ng Talisay, Batangas Sabado ng umaga (March 21).

Ayon sa Philippine Coast Guard (PCG), narekober ng PCG Sub-Station sa Talisay ang bangkay ng isang mangingisda sa bahagi ng Sta. Maria.

Batay sa inisyal na ulat, nalunod ang biktimang si Rodrigo Ornales, 30-anyos, habang pumapalaot bandang 2:00, Biyernes ng hapon (March 20).

Isinagawa ng PCG Sub-Station – Talisay, katuwang ang Special Operations Unit – Farola at Coast Guard District Southern Tagalog, ang search and rescue (SAR) operation.

Dinala ang mga labi ng biktima sa Talisay Police Station para sa proper disposition.