Meralco hindi muna magsasagawa ng meter reading; babayaran ng customers ibabase muna sa konsumo sa nagdaang tatlong buwan

Dahil sa umiiral na Enhanced Community Quarantine, itinigil muna ng Meralco ang pagpapadala ng meter readers sa bahay-bahay.

Hindi na rin muna mahdedeliver ng electric bills.

Sa abiso ng Meralco, ang bill ng mga customer ang meter reading ay naka-schedule sa pagitan ng March 17 hanggang April 14, 2020, ay ibabatay muna sa average ng konsumo noong nakaraang 3 buwan.

Anuman ang kulang o sobra sa aktwal na konsumo ay i-aadjust na lamang sa susunod na billing cycle.
Sinabi ng Meralco na base ito sa rules ng Energy Regulatory Commission (ERC).

Una nang inihayag ng Meralco na magbibigay sila ng isang buwan na palugit sa pagbabayad ng bill ng kanilang customers.