DILG, may apela sa publiko ukol sa pagtawag sa COVID-19 hotline

Umapela ang Department of the Interior and Local Government (DILG) sa publiko na tumawag lamang sa COVID-19 hotlines kung mayroong emergency ukol sa nakakahawang sakit.

Sa inilabas na pahayag, sinabi ni DILG Secretary Eduardo Año na manatilihing bukas ang linya para sa mga higit na nangangailangan ng tulong mula sa gobyerno.

Bago tumawag, siguruhin aniyang tunay at importante ang idudulog sa pamamagitan ng COVID-19 hotline.

Katuwang naman aniya sa pagtanggap ng mga tawag ang ilang tauhan mula sa 911 national emergency hotline.

Narito ang inilabas na COVID-19 emergency hotline ng Department of Health (DOH):
02-894-COVID (02-894-26843) at 1555.