Bangued Municipal government nagsasagawa ng contact tracing sa mga pasahero ng bus na nakasabay ng isang COVID-19 patient

Nagsasagawa ngayon ng contact tracing ang munisipalidad ng Bangued, Abra sa mga pasahero ng bus na nakasabay ng unang kaso ng COVID-19 sa bayan.

Ayon sa abiso ng Bangued Municipal Office, lahat ng naging pasahero ng Partas Bus na may Bus No. 83918 at patungo ng Pasay noong March 10, 2020 ay dapat makipag-ugnayan sa munisipyo.

Sakay kasi ng naturang biyahe ng bus ang isang pasyente na nagpositibo sa COVID-19.

Maaring tumawag sa Bangued COVID-19 Task Force sa pamamagitan ng sumusunod na numero:

Bangued RHU: 0916-288-1681
MDRRMC: 0965-721-2698
Bangued PNP: 0927-377-1915

Pwede ring mag-report sa mga barangay na nakasasakop sa kanila.