Delivery ng passports maaantala

Inabisuhan ng Department of Foreign Affairs (DFA) ang publiko na maaantala ang delivery ng mga pasaporte dahil sa umiiral na enhanced community quarantine.

Ayon sa DFA, magkakaroon ng delay sa produksyon, delivery at availability ng passports sa lahat ng Consular Offices ng DFA sa buong bansa.

Ito ay hangga’t hindi nagiging normal ang sitwasyon.

Una nang inanunsyo ng DFA na kanselado ang kanilang consular services sa buong Luzon, at may mga kinansela na ring operasyon sa ilang bahagi ng Visayas.