Pagproseso ng NBI clearance, suspendido muna

Pansamantalang sinuspinde ang pagproseso ng National Bureau of Investigation (NBI) clearance bunsod ng deklarasyon ng enhanced community quarantine sa Luzon.

Sa abiso, sinabi ng NBI na suspendido muna ang clearance processing operations sa buong bansa.

Epektibo ito mula 12:01, Miyerkules ng madaling-araw (March 18) hanggang 12:00 ng madaling-araw ng April 13.

Paliwanag ng NBI, nananatiling prayoridad ng kaligtasan at kalusugan ng publiko.

Magbabalik-normal naman ang operasyon sa April 13 o oras na maialis ang quarantine sa Luzon.