Sentimyento ni Zarate, ipinasa ng gobyerno sa local government units ang responsibilidad para magamit ang kanilang calamity at quick reaction funds nang hindi malinaw ang mekanismo para sa food assistance.
Kinansela rin anya ang mass transportation pero walang plano para sa PUV drivers o kung anong sasakyan ng mga papasok na skeletal forces.
Bagama’t umapela ng malasakit sa pribadong sektor, wala rin aniyang malinaw na plano kung paanong bibigyan ng allowances o ayuda ang mga apektadong daily wage earners at kanilang pamilya.
Kaya naman hirit ni Zarate sa pamahalaan, bigyan ng agarang tulong na P10,000 ang mga manggagawang apektado ng lockdown
Pakiusap rin nito, huwag namang gulangan pa ang hirap nang mga empleyado.
Binigyang diin nito na unfair ang panukalang ibigay na ang 13th month pay dahil benepisyo ito ng mga empleyado na itinatakda ng batas kaya ang economic package na ayuda sa kanila ay dapat manggaling sa mga kumpanya o sa gobyerno.