Magnitude 4.1 na lindol, yumanig sa Occidential Mindoro

Niyanig ng magnitude 4.1 na lindol ang Abra De Ilog, Occidental Mindoro Martes ng hapon.

Ayon sa Phivolcs, tumama ang lindol sa layong 14 kilometers Northwest ng Abra De Ilog dakong 1:06 ng hapon.

102 kilometers ang lalim ng lindol at tectonic ang origin.

Dahil dito, naramdaman ang instrumental Intensity 2 sa Calatagan, Batangas.

Wala namang napaulat na nasira sa lugar.

Wala ring inaasahang aftershocks matapos ang pagyanig.