Bilang ng pasasakaying pasahero sa MRT-3, lilimitahan sa 30 hanggang 33 pasahero sa kada train car

Lilimitahan ang bilang ng pasasakaying pasahero sa Metro Rail Transit Line 3 (MRT-3).

Ito ay kasunod pa rin ng mahigpit na pagpapatupad ng social distancing bunsod ng banta ng Coronavirus Disease (COVID-19).

Ayon sa pamunuan ng MRT-3, kokotrolin din ang pagpasok ng mga pasahero sa istasyon at bilang ng mga naghihintay sa platform area.

Paalala ng MRT-3, kailangang magkaroon ng isang metrong distansya ang mga pasahero sa bawat isa.

May mag-aantabay din na MRT-3 personnel sa ibaba ng istasyon para magbigay-paalala sa mga pasahero ukol sa social distancing.

Humiingi naman ng paumanhin ang MRT-3 sa abalang maaaring maidulot ng mga inisyatibo.