Bilang ng COVID-19 cases sa bansa umakyat na sa mahigit 100

Inihayag ng Department of Health (DOH) na nadagdagan ng 13 pa ang bilang ng kumpirmadong kaso ng Coronavirus Disease (COVID-19) sa bansa.

Dahil dito, umabot na sa kabuuang 111 ang bilang ng COVID-19 cases sa Pilipinas.

Patuloy pang kumakalap ang DOH ng impormasyon hinggil sa mga bagong kaso ng sakit.

Kasabay nito, hiniling ni Health Secretary Francisco Duque III ang kooperasyon ng bawat isa para maiwasan ang paglaganap ng virus sa bansa.

Pinayuhan din ng DOH ang publiko na magbahagi at magpakalat lamang ng mga kumpirmadong impormasyon partikular ang mga inilalabas ng DOH.